Завршена е постапката, избрани се новите директори на јавните претпријатија и во текот на денот ќе бидат објавени нивните имиња. Ова го соопшти градоначалничката Данела Арсовска на денешната прес конференција по повод започнување на реконструкција на улицата Димо-Хаџи Димов во Кисела Вода.

Како што е познато, пред дваесетина дена Арсовска го разреши директорот на ЈП „Водовод и канализација“, Златко Перински, поради влијание врз тендерот за изградба на пречистителна станица. Набрзо потоа оставки дадоа директорите на „Градски паркинг“ , „Дрисла“, „Улици и патишта“ и на „Лајка“. Сите тие ги поднесоа оставките со образложение дека немале комуникација и соработка со Арсовска. Градоначалничката пак извести дека од нив била побарана оставка бидејќи не биде испорачани резултати.

Целата ситуација доведе до прекинување на соработката на Арсовска со ВМРО-ДПМНЕ, партијата која ја поддржа нејзината кандидатура на локалните избори.