Андреа Бочели повика на бојкот на мерките против короната
Коментарите на Андреа Бочели на конференцијата одржана во италијанскиот Сенат ги изненадија сите, со оглед на тоа што славниот тенор беше сметан за симбол на национално единство во екот на пандемијата.
Бочели пееше, а милиони луѓе плачеа на кадрите од пустите градови низ светот (ФОТО+ВИДЕО)
Бочели го критикуваше одговорот на италијанската влада на пандемијата на коронавирусот, велејќи дека бил „понижен со воведувањето на мерките за карантин“.
„Се чувствував понижено и навредено. Не можев да ја напуштам куќата, иако не сторив никакво злосторство“, рече вчера Бочели на конференцијата на која присуствувале членови на опозицијата, вклучувајќи го и лидерот Матео Салвини, кој и самиот го критикуваше одговорот на Владата на пандемијата.
Ројтерс пренесува дека 61-годишниот оперски пејач признал дека ги кршел мерките на карантинот „затоа што сметал дека не е правилно и здраво да остане дома во негови години“. Инаку, и самиот Бочели се зарази со коронавирус, по што донираше крвна плазма.
Бочели: Целото мое семејство имаше коронавирус, тоа беше ужасно – ние имавме среќа!
Бочели верува дека ситуацијата не би можела да биде толку сериозна како што властите ја претставувале, со оглед на тоа што не познава никој кој поради коронавируст бил сместен на одделението за интензивна нега.
Тој, исто така, ги повика граѓаните да одбијат да ги почитуваат правилата кои сè уште се во сила.
„Да одбиеме да го почитуваме ова правило. Ајде да читаме книги, да се движиме, да се запознаваме едни со други, да разговараме“, предложи тој.