САД распоредува околу 5.000 дополнителни маринци и морнари на Блискиот Исток за поддршка на војната во Иран, објави „Ен-би-си њуз“.

Припадниците на војската се дел од Амфибиска борбена група и Морнаричка експедициска единица, познати како АРГ/МЕУ. Групата вклучува околу 2.500 маринци и 2.500 морнари.

Маринците се распоредени во 31-та Морнаричка експедициска единица, која е стационирана во Јапонија и е единствената постојано распоредена експедициска единица на Маринскиот корпус. Единиците МЕУ се значајни зашто се обучени за брза реакција во кризни ситуации, како што се евакуации од опасни подрачја и заштита на амбасади. Тие се обучени и први да се распоредат на терен за да подготват услови за доаѓање на други сили, како специјалните единици, кои потоа ја извршуваат мисијата.

Експлозии на митинг во Техеран, Иран се закани со „незаборавна лекција“ за САД и за Израел – еве што се случуваше на 14-от ден од војната

Морнарите се дел од Амфибиската борбена група „Триполи“, составена од бродовите УСС Сан Диего, УСС Триполи и УСС Њу Орлеанс. Овие бродови неодамна оперирале во Филипинското Море, но сега се движат кон запад.

Централната команда на САД (ЦЕНТКОМ) побарала дополнителни сили бидејќи, според еден американски претставник, „дел од планот за оваа војна е да има маринци на располагање кои би обезбедиле различни опции за нивна употреба“.

На прашање за распоредувањето, претставник на Пентагон изјави: „Поради оперативната безбедност, не разговараме за идни или хипотетички движења“.

Америка распиша награда од 10 милиони долари за секој што ќе даде вредни информации за Моџтаба Хамнеи и за врвот на иранскиот режим