САД соопштија дека преку својата програма „Ривордс фор џастис“ нудат награда до 10 милиони долари за секој што ќе достави вредни информации за Моџтаба Хамнеи, врховниот лидер на Иран, како и за неколку други високи функционери на иранскиот режим и неговите воени и безбедносни структури.

Got information on these Iranian terrorist leaders?

Send us a tip. It could make you eligible for a reward and relocation. pic.twitter.com/y7avkqdGWw

— Rewards for Justice (@RFJ_USA) March 13, 2026

Оваа иницијатива е дел од напорите на Вашингтон да помогне во идентификување и таргетирање на луѓе кои, според американската влада, раководат, организираат и спроведуваат терористички операции ширум светот.

На листата се наоѓаат лидери на Исламската револуционерна гарда, како и други високи ирански функционери, меѓу кои Али Асгар Хеџази, Јахја Рахим Сафави, Али Лариџани, министрите Ескандар Момени и Есмаил Хатиб, како и други клучни фигури во иранските безбедносни структури.

Според соопштението на Стејт департментот, вредни информации за локацијата, активностите или врските на овие личности може да доведат до награда до 10 милиони долари, а контакт со програмата може да се воспостави преку криптирани платформи или безбедносни мрежи како „Тор“.

Американскиот претседател Доналд Трамп изјави дека верува оти новиот врховен лидер на Иран, Моџтаба Хамнеи, е жив, но ранет. Ова тој го изјави по извештаите дека бил повреден во нападите на САД и на Израел врз Иран кон крајот на февруари.

Неговиот татко, ајатолахот Али Хамнеи, беше убиен во тие напади.

Трамп: Новиот ирански лидер најверојатно е жив, но е повреден