Алијанса и Алтернатива не се предомислија, ќе гласаат против одложување на пописот
Пред почетокот на собранската седница на која треба пописот да се одложи за септември, опозициската коалиција од албанскиот политички блок, Алијанса и Алтернатива останува на ставот дека нема да го поддржат законот.
Кординаторот на пратеничката група, Скендер Реџепи, за Слободен печат вели дека не се предомислиле.
-Ќе бидеме присутни на седницата и нашите пратеници ќе гласаат против. Ќе се обидеме Предлог -законот за изменување и дополнување на Законот за попис на населението, домаќинствата и становите во Македонија да го блокираме. Нема да гласаме з аполитички одлуки, рече Реџепи.
Еден од механизмите за блокирање на законот е употребата на Бадентер. Останатите пратеничките групи, ќе ги гласаат измените. Во Законот пишува дека поради потребата од имунизација на населението, но и поради тековната состојба предизвикана од вирусот ковид – 19 се предлага пописот што требаше да се спроведе од 1 до 21 април 2021 година да се одложи, односно истиот да се спроведе во периодот од 5 до 30 септември, оваа година, но и дека дијаспората ќе може да гласа до 30 септември.