Швајцарскиот репрезентативец се потсети како изгледаше 13., јули кога Михајловиќ им соопшти на своите фудбалери дека боледува од леукемија.

– Бевме во карантин. Првиот ден од клубот ни кажаа дека има грозница, исто беше и наредниот ден. Веќе во третиот ден, од прес  службата ни рекоа дека шефот сака да зборува со нас. Не знаевме ништо и немавме претстава за што сака Синиша да зборува со нас.

Но тој разговор преку скајп ќе го паметиме до крајот на нашите животи. Се сеќавам дека беше 13 јули и дека по разговорот плачев. Знаете ли за што зборувавме пред тоа? Дека со него ќе го покориме целиот свет – се потсетува Џемаили кој открива колку Синиша  Михајловиќ е значаен за екипата.

– Доколку пристигнеше во Болоња само еден месец подоцна, ние сега ќе игравме во Серија Б. Се сеќавам кога првиот пат ми пријде и мио кажа: Ти мораш да правиш разлика на теренот, во спротивно нема да играш. Тие негови зборови ме шокираа, но истовремено и ми влеаја енергија.

Тренерот кој се бори со тешката болест, често пати ги мотивираше своите фудбалери и преку филмови.

– Досега никогапш во кариерата не ми се случило вакво нешто, да гледаме филм. Синиша ни го пушти филмот “Летот на Фениксот“, а во еден момент го прекина филмот и не сите не праша: Кој лик сте вие? Од 25 фудбалери кои го гледавме филмот, дури 24 одговорија идентично, го избравме најсебичниот лик кој размислуваше само за себе. Во тие моменти сфативме дека не бевме екипа – вели Џемаили.