Актерот од популарната серија ја убил мајка си, а планирал да го убие и Џастин Трудо!
Канадскиот актер 24-годишниот Рајан Грантам, познат по улогата во „Ривердејл“, беше осуден откако во март се изјасни за виновен за убиството на својата мајка Барбара Вајт, а наводно планирал да го убие и канадскиот премиер Џастин Трудо.
View this post on Instagram
На Грантам му започна сослушувањето за изрекување на казната во Врховниот суд, на кое ќе се утврди колку долго треба да ја служи казната пред да ги исполни барањата за условно ослободување. Убиството од втор степен носи задолжителна доживотна затворска казна, а периодот на забраната за условен ослободување се движи од 10 до 25 години.
Според „Си-би-си“, Грантам во март 2020 година ја застрелал својата 64-годишна мајка Барбара Вајт во задниот дел од главата додека свирела на клавир. Претходно оваа година, тој ја призна вината за убиство од втор степен, откако првично беше обвинет за убиство од прв степен.
Во постапката за изрекување на казната, обвинителите ја осликале психичката состојба на Грантам во моментот на смртта на неговата мајка. Во понеделникот, судот слушнал како Грентам го вежбал убиството и снимал видеозаписи во текот на целата постапка, вклучувајќи ги и снимките по убиството во кои тој признава и го покажува телото на својата мајка.
Следниот ден, наводно имал три пиштоли во автомобилот, десетина молотови коктели, материјали за кампување и упатства како да стигне до семејната куќа на Трудо. Својот план за убиството на канадскиот премиер ѝ го изнел на полицијата, како и извадоци од приватниот дневник кои биле прочитани на суд. За среќа, тој никогаш не стигнал до резиденцијата на Трудо, туку отишол во седиштето на полицијата во Ванкувер за да се предаде.
Како што пренесува „Си-би-си“, обвинителството се повикува на психијатриските извештаи кои укажуваат на тоа дека тој поминувал низ „интензивен период на клиничка депресија“ во текот на времето кое претходело на убиството. Грантам, наводно, одлучил да ја убие својата мајка „за да ја поштеди да не го види насилството што тој имал намера да го изврши“.
Психијатриските извештаи, исто така, покажале, дека Грантам „имал нагони да изврши насилство и да се самоубие“.
Полицијата му забранила на Трудо да оди на настан поради грижи за неговата безбедност