Членови на здружението „Тишина” добивале притисоци за да не протестираат пред Министерството за труд и социјална политика.

Притисоците како што тврдат доаѓале од претседателот и секретарката на Националниот сојуз на глуви и наглуви. Реагираат дека им се заканувале, ако протестираат ќе им ги укинат месечните надоместоци.

-Моќни сме – ова им го рекол претставник на Националниот сојуз за глуви и наглуви.

Случаите не можат да ги пријават ниту во полиција бидејќи немаат доволно толкувачи. Тие се дојдени од повеќе градови за да го изразат незадоволството. Нивните изјави на протестот беа пренесени од толкувач.

Во вторник во Министерството ќе имаат уште една средба на која ќе бидат поканети и претставници на Националниот сојуз. Протестот од пред МТСП продолжи до ЕУ инфо центарот.

Здружението „Тишина” бара од МТСП, исплатите да им се префрлат директно од Министерството, бидејќи од јануари двајца вработени во здружднието немаат земено плата, а очекуваат исплата од Националниот сојуз на глуви и наглуви. Сојузот најави прес конференција за протестот на Здружението на глуви и наглуви.