Лидерот на ДУИ Али Ахмети синоќа на средба со сопартијците и граѓаните на Гостивар, јасно им порача на „огнeните“ дека нема намера да го смени првиот вицепремиер Артан Груби.

„Огнената група“ инсистира на смена на Груби и на други министри бидејќи според нив, потфрлиле во реализацијата на ветените проекти.

Ахмети пред присутните рекол дека им кажал на „огнените“ дека грешат и им укажал дека ним не им била направена неправда.

„Грешат и јас им кажав, две години се молев, треба да се мисли за крајот, а не на почетокот затоа што се памети крајот. 10 години сакаа да го тргнат Муса Џаферi од вицепремиер, јас не го сменив, затоа што ја почитувам волјата на мнозинството, инсистираа Абдилаќим да биде сменет од вицепремиер, но јас не го отстранив затоа што ја испочитував волјата на мнозинството. Сега велат, тргни го Артан, ви велам нема да го сменам затоа што тоа е одлука на мнозинството, порача Ахмети.