АГРОМЕТЕО: Пролет со стабилно време, овошките куртулија
Умерените температури и врнежите од дожд, во изминатата седмица придонесоа за кратко време да се разбуди вегетацијата особено кај овошките од коскестите видови, потоа кај дел од шумските видови и тревната вегетација, вели агро метеоролошката прогноза на УХМР.
Од понеделникот имаме стабилно и суво време во текот на целата седмица, но можен е пад на утринските температури, кои во Берово можно е да бидат и негативни. Сепак и ваквите температури се во границите на издржливост на овошките без да причинат штети од измрзнување.
Позитивните утрински температури, и температурите во текот на денот од околу 18-20 оС ќе овозможат работа на отворено во овоштарниците и лозовите насади, околу меѓуредовата обработката, заштитата на насадите од болести и штетници, а особено во овој период потребна е заштитата од плевели, потоа работи во тутунопризводството за нега на леите за производство на расад, вообичаени работи во градинарството во овој период од годината, како и работи за припрема на површините за пролетна сеидба.