Екс-репрезентативецот на Македонија, Агим Ибраими е нов спортски директор на албанска Тирана.

Клубот од главниот град на Албанија му ја довери важната улога на Ибраими кој во кариерата претходно го носеше дресот на Шкендија, Марибро, Домжале, Кукс и Динамо.

Ангажманот Тирана го потврди преку официјално соопштение.

„Фудбалскиот клуб Тирана соопштува дека Агим Ибраими е назначен за спортски директор на сино-белиот клуб! Клупските челници постигнаа договор со Ибраими со потпишување на договорот за соработка за долгорочен проект. Извонредното искуство како фудбалер во Словенија, Италија, Албанија и пошироко, го натера клубот да го избере Ибраими и да му ја довери оваа важна улога“, стои во соопштението од Тирана.