Адеми и Ристовски по лондонско чудо и ќе „навиваат“ за Рапид Виена
На едно коло пред крајот на групната фаза во Лига Европа екипата на Динамо Загреб обезбеди европска пролет трет пат во последните четири сезони. Но, поради ремито (1:1) со Генк сè уште не знае во кое натпреварување.
Хрватскиот гигант на својот стадиом „Максимир“ одигра нерешено против Белгијците. „Модрите“ водеа од 35 минута со голот на Менало, а пред паузата израмни Угбо (45+1`).
За домаќините стартер беше македонскиот репрезентативец Аријан Адеми (капитен) кој настапи до 76 минута, а Стефан Ристовски остана на клупата за резервни играчи.
Во вториот меч од групата „Д“ Вест Хем триумфираше над Рапид Виена (0:2) со головите на Јармоленко и Нобл. На табелата води Вест Хем со 13 бодови и обезбеди пласман во осминафиналето на ЛЕ, второпласиран е Динамо Загреб со седум бодови, два повеќе од Генк, а на дното е Рапид Виена.
Во последното коло на 9 декември во Лондон „чеканите“ ќе го пречекаат Динамо, а Генк е домаќин на Рапид Виена. Според новите пропозиции второто место води во 1/16 финалето на ЛЕ, а третата позиција продолжување во Конференциската лига.
Второпласираниот за пласман во осминафиналето на ЛЕ ќе игра против една од третопласираните од групната фаза во Лигата на шампионите.