Зошто зелениот чај е најдобар сојузник на жените во борбата со килограмите
Освен за килограмите, добар е и за зајакнување на срцето, влијае врз намалувањето на лошиот холестерол и на шеќерот во крвта. Антиоксидантите се борат против слободните радикали и помагаат во борбата против стареењето, може да го спречи и формирањето малигни клетки. Чајот го намалува заморот и сонливоста, но исто така и зајакнува. Акумулирани токсини, надуеност, вишок килограми, за споменатите проблеми, природата го дала зелениот чај. Многумина ќе се согласат дека можеби не е многу вкусен, но ако се помеша со сок од лимон, без шеќер, или со некое друго овошје, вкусот е одличен.
Иако е лето, не треба да заборавиме дека на телото му годи топла напивка, секако не врела. Вашиот избор нека биде зелениот чај. Предноста на зелениот чај е тоа што не мора, но и не смее да се консумира повеќе од шолја или две на ден, што е доволно за исфрлање на токсините од организмот и топење на маснотиите во рекорден рок, додека првите резултати се видливи многу брзо.
Препораката е да не се пијат повеќе од две шолји на ден. Зелениот чај содржи кофеин, па ако имате проблем со несоницата, не го консумирајте навечер, од друга страна, ако имате висок крвен притисок, совет е да го избегнувате овој пијалак. Зелениот чај исто така може да ја намали апсорпцијата на железото, па не се препорачува употреба кај анемични лица.
Подготовка:
Лисјата содржат теин, теобромин, теофилин и есенцијално масло. Внимавајте при подготовката, се препорачува чајот да не биде во вода повеќе од три минути, бидејќи потоа може да дојде до зголемена концентрација на супстанциите и може да го наруши дејството. Една шолја чај содржи 50-100 мг полифеноли, а препорачаната дневна доза е до 300 мг.
Подготовката на чајот е означена на пакувањето, а препораката за најдобар ефект е: една лажичка прелијте со два децилитри зовриена вода изладена на 70 степени. Оставете да отстои три минути и пијте без шеќер.