Холандскиот фудбалски клуб Ајакс постигна усмен договор со Арсенал за потпишување на договорот со левиот бек Олександр Зинченко. Договорот ќе биде на позајмица до крајот на оваа сезона, со што се исклучува можноста за траен трансфер во Нотингем форест, објави Фабрицио Ромато.

Се очекува 29-годишниот украински репрезентативец да пристигне во Амстердам во следните 24 часа за да ги помине медицинските прегледи. Ајакс ќе ја покрие целосната плата на играчот за време на периодот на позајмица, а трансферот е веќе во напредна фаза, објави Де Телеграф.

Украинецот го помина летото на позајмица од Арсенал во Нотингем форест во чиј дрес запиша 10 настапи во сите натпреварувања без да постигне гол. Затоа Зинченко даде согласност во принцип да се приклучи на Ајакс, а клубот одржува активен контакт со неговиот агент Жорже Мендеш.

Важечкиот договор на играчот со Арсенал истекува на крајот од тековната сезона, што им дава можност на гигантите од Амстердам да се обидат да го задржат подолг период во иднина.

Зинченко може да игра и како лев бек и како дефанзивен играч од средниот ред – две позиции што клубот планира да ги зајакне за време на зимскиот преоден рок. Покрај тоа, Ајакс има за цел да додаде дополнително искуство и лидерство во својот тим во втората половина од сезоната.

🚨🔴⚪️ Ajax verbally agree on deal to sign Oleksandr Zinchenko from Arsenal, here we go!

Agreement in place over loan until June, leaving #NFFC. Zinchenko will fly in next 24h for medical tests in Amsterdam.

Ajax will cover his salary, deal in place as Telegraaf reports. pic.twitter.com/KnYqZp1i7Z

— Fabrizio Romano (@FabrizioRomano) January 18, 2026