Земјоделките сѐ поблиску до платено породилно отсуство
Собранието на Република Северна Македонија денес ја изгласа потребата од донесување на предлог-закон за измени и дополнување на Законот за здравствено осигурување со кој се овозможува платено породилно отсуство за земјоделки, објави Мрежата за заштита од дискриминација.
„Сите присутни пратеници гласаа ЗА, со што сметаме дека Предлогот на законот успешно ќе ја помине законодавната постапка и земјоделките конечно ќе добијат системско решение за правото на платено породилно остуство. Воедно апелираме до Собранието во најскор можен рок да ја заврши постапката за донесување на овој закон“, велат од мрежата невладини организации.
„Пратениците покажаа дека е возможно политичко здружување со цел унапредување на човековите права на жените од руралните средини. Додека извршната власт не ги прифати нашите барања и не презеде чекори за спорведување на препораката на Комисија за спречување и заштита од дискриминација, пратениците одговорија позитивно на нашите барања“, додаваат оттаму.