Десетгодишно девојче од скопското село Глумово, општина Сарај, вчера попладне било повредено од заталкан куршум. Девојчето се здобило со тешки телесни повреди во пределот на ногата.

„На 31.01.2026 околу 16 часот во СВР Скопје е пријавено дека во двор од куќа во с.Глумово, скопско, од заталкано зрно било повредено 10-годишно девојче, во пределот на ногата, по што било пренесено во Комплексот клиники „Мајка Тереза”, каде од страна на лекар констатирани му биле тешки телесни повреди“, информира МВР.

Се преземаат мерки за расчистување на случајот, се наведува во соопштението.