-4 C
Скопје

Застрашувачкото движење на теоретичарите на заговор ја полуде и Европа

Јутјуб, Фејсбук и Инстаграм бришат видеа и пораки со кои се најавува „бура“ на Трамп во конфронтацијата со „сатанистите“.

Јутјуб избриша десетици илјади видеа од американското движење QAnon во последните два дена. Претходно, нивните пораки беа избришани од Фејсбук и од Инстаграм. Тоа е движење создадено во 2017 година, кое застапува теории на заговор, антисемитизам и други радикализми.

17 октомври 2020, Бостон, САД / Фото: Credit line: Stephanie Keith / Zuma Press / Profimedia

„Њујорк тајмс“ добро го дефинира QAnon – тоа е крајно десничарска теорија на заговор, според која педофилите, обожаватели на кабала и на сатаната, водат глобален синџир на сексуална експлоатација на деца и прават заговор против Доналд Трамп. А, самиот Трамп, според таа теорија, планира ден на пресметка, „бура“, кога илјадници членови на оваа наводна сатанска кабала ќе бидат уапсени.

Прочитајте и...  Претседателот Стево Пендаровски со годишно обраќање во Собранието на 16 декември

Честопати, буквата „Q“ во облик на змија е придружена со слоганот „where we go one we go all“ или скратено WWG1WGA, што значи „каде што оди еден, сите одиме“. Потеклото на „QAnon“ е исто така 4chan, интернет нелегална платформа, на која има мноштво теми, маргинални, но и екстремистички. Се смета дека ширењето на оваа теорија на заговор почна со објава од 2017 година објавена од членот „Q“ по кого беше именувана теоријата. Веќе во средината на 2018 година, извесен Метју Рајт незадоволен од тоа што Трамп не почнал со масовно апсење, блокираше мост со оклопно возило и беше вооружен со две автоматски пушки со спецификации од вооружените сили и 900 парчиња муниција. На крајот на истата година, еден човек од Калифорнија беше уапсен во автомобил полн со експлозив со намера да го разнесе наводниот сатанистички споменик во Спрингфилд.

Прочитајте и...  ВИДЕО: Почина хрватскиот новинар Лазо Голужа, автор на популарната „Квискотека“
Протест организиран од QAnon против холивудските ѕвезди за наводна злоупотреба на деца/ Лос Анџелес, Калифорнија, 22 август 2020/ Фото: EPA-EFE/CHRISTIAN MONTERROSA

Но, не само што активноста на „QAnon“ не стивнува, туку тие, всушност, стануваат сѐ повеќе јавни. Обожавателите на оваа теорија на заговор се раширија низ цела Европа, а буквата „Q“ почна да се појавува на социјалните мрежи на неанглиски јазици, но и на протестите против пандемиските мерки во земји како Германија. И пандемијата е за тоа плодна почва затоа што може да најде и соодветен катализатор, идентичен со американскиот – крајната десница.

Иако практично има поклоници на теоријата низ цела Европа, влијателните њујоршки весници тврдат дека најмногу ги има во Германија, дури 200.000. Во време кога проблемите со десниот екстремизам растат во полицијата и во армијата, канонистите се најмалку пожелни за Германија бидејќи здружувањето со крајно десничарските сили им дава и политичка димензија.

Прочитајте и...  Пандемијата продолжува да го ниша здравствениот систем во земјава
17 октомври 2020, Њујорк, САД / Фото: Credit line: Stephanie Keith / Zuma Press / Profimedia

Проблемот е во тоа што „QAnon“ не промовира отворено фашизам, туку продава суптилна порака за да биде прифатлива за сите слоеви на општеството, дури и за оние што сметаат дека се имуни на нацизмот поради историјата. „Компакт“, десничарскиот магазин, посвети три свои броја на „QAnon“. Неговиот уредник Јирген Елсесер не верува во теоријата на заговор, но смета дека „QAnon“ е иновативен пристап.

Поврзани вести

Во светот околу 500 новинари починаа од последици од Ковид-19

Слободен печат

Попов: Билатералните спорови треба да останат надвор од процесот на преговори

Слободен печат

ВИДЕО: Во инцидентот во Трир четири жртви и 15 повредени, возачот уапсен

Слободен печат

Јан Коп: Прашањето не е дали ќе има меѓувладина конференција, туку кога?

Слободен печат

Бучковски: Нити сум нечиј ас скриен во ракавот, ниту сум пак нечиј џокер

Слободен печат

Полјаците го исклучија градското светло, револтирани од политиките на премиерот Моравиецки

Дамјан Варошлија

Остави Коментар