Пакистанските власти ја засилија безбедноста во главниот град Исламабад, распоредувајќи стотици дополнителни полициски и паравоени сили пред долгоочекуваните мировни разговори меѓу САД и Иран.

Властите презедоа и чекори за затворање на делови од градот односно клучните патишта што водат до Црвената зона на градот, силно утврдена енклава во која се наоѓаат канцелариите на претседателот и премиерот, Министерството за надворешни работи и странските амбасади.

Хотелот каде што се очекува да престојуваат делегациите е исто така ставен под силно обезбедување, јавуваат тамошните медиуми.

Училиштата и владините канцеларии исто така ќе бидат затворени многу веројатно два дена.

Разговорите, кои се сметаат за потенцијално значаен дипломатски пробив за завршување на војната во регионот, треба да започнат подоцна оваа недела. Иран не соопшти кој ќе ја претставува неговата делегација додека Белата куќа исто така не потврди официјално дали американскиот преговарачки тим ќе го води потпретседателот Џеј Ди Венс.