Зголемениот број на зајаци во Колорадо со црни испакнатини на главите што личат на рогови, поради што го добија прекарот „зајаци Франкенштајн“, предизвика загриженост во САД.

Оваа појава кај зајаците е предизвикана од вирус (Шоуп), кој предизвикува појава на тумори околу главите на зајаците.

🚨 WARNING: “Frankenstein” rabbits with black, spike-like growths on their heads are spreading across the US.
Experts say it’s a viral infection and warn: Do NOT touch them. pic.twitter.com/HOsKuvbC6s

— Wienerdogwifi (@wienerdogwifi) August 13, 2025

Според специјализираните веб-страници, вирусот го пренесуваат паразити како што се крлежи и болви, преку каснувања.

Вирусот е именуван по професорот на Универзитетот „Рокфелер“, Ричард Е. Шоуп, кој ја открил болеста во 1930-тите.

„Зајаците обично се инфицираат во текот на потоплите летни месеци кога инфекцијата се пренесува преку каснувања од инсекти, како што се болви и крлежи“, изјави портпарол на парковите и дивиот свет во Колорадо.

Ефектите од вирусот можат да бидат фатални за зајаците, бидејќи овие „испакнатини“ можат да отекуваат до таков степен што не можат да јадат, предизвикувајќи нивна смрт од глад.

Експертите објаснуваат дека болеста е посериозна кај домашните зајаци отколку кај дивите, а најголемиот страв е дека тие можат да развијат сериозен и потенцијално фатален рак на кожата.