Инфлацијата во еврозоната забрза во септември, зацврстувајќи ги плановите на Европската централна банка (ЕЦБ) засега да ги задржи каматните стапки непроменети,.

Откако во август се совпадна со целта од 2 отсто, потрошувачките цени во септември пораснаа за 2,2 отсто на годишно ниво, поттикнати од базичниот ефект на енергенсите и зголемените трошоци за услуги.

Мерката што ги исклучува нестабилните цени на енергијата и на храната остана на 2,3 отсто, како што се очекуваше, соопшти денеска „Евростат“.

Во целата еврозона, просечната годишна стапка на инфлација во септември изнесувала 2,2 проценти. По Естонија, Хрватска и по Словачка, највисока инфлација, од 4,1 процент, е забележана во Латвија, по што следуваат Австрија со 3,9 проценти и Литванија со 3,7 проценти.

Ден пред објавувањето на податоците, Кристин Лагард, претседателка на Европската централна банка, оцени дека ризиците за инфлацијата се мошне  ограничени во двата правца.