Вујин: Во Скопје има ракометна енергија како во Веспрем и Кил
Српскиот ракометар истакна дека најмногу го привлече новата приказна на старо-новиот претседател на Вардар Михајло Михајловски.
Петтиот стрелец во историјата на Лигата на шампионите кој моментно има 35 години за „Балкан-Хандбал“ ги сподели очекувањата во новиот клуб:
– Вардар е голем клуб, актуелен освојувач на ЛШ. Ме привлече новата приказна на Михајло Михајловски. Голема ракометна енергија се чувствува во Скопје и тоа ме потсетува на големите ракометни градови во кои играв, Веспрем и Кил. Тоа најмногу ме привлече покрај сериозната екипа која ќе ја има Вардар во наредната сезона. Сè најдобро слушнав околу условите за работа, луѓето и градот. Би сакал заедно да имаме успеси достојни за името на клубот – рече Вујин.
На десната бековска позиција тренерот на „црвено-црните“, Стевче Алушовски ги има Вујин, Хрватот Јосип Векиќ и младиот Томислав Јагуриновски.
Со најдобрата српска репрезентација успеа во 2012 година да го освои сребрениот медал на Европското првенство.