Драматичен инцидент се случи во Истанбул, кога маж зеде месарски нож од киоск на брегот и си го пресече гркланот пред очите на минувачите, објави ИХА.

Инцидентот се случи околу 12:30 часот кај пристаништето Сиркеџи во населбата Фатих. Мажот украде нож за донер од еден киоск, а потоа, од засега непозната причина, почна да вика и потоа се пресече по грлото.

Граѓаните што го видоа настанот веднаш ги известија полицијата и итната помош. Медицинските екипи, кои бргу пристигнаа на местото, му укажаа прва помош на тешко повредениот маж, по што тој со амбулантно возило беше пренесен во болница и задржан на лекување.

– Еден човек зеде нож од киоскот и си го заби. Почна да оди наваму, а додека одеше, крв прскаше насекаде. Дојде дотука, ја слече маицата и почна да вика. Велеше: „Јас сум Мехди, нека дојде Судниот ден“. Потоа отиде до камењата покрај брегот и легна. Изгуби многу крв. Веројатно се онесвести. Повикавме амбуланта. Полицијата и екипите на итната помош му укажаа прва помош и потоа го внесоа во амбулантното возило. Полицајците рекоа дека е жив, но не знаеме каков е исходот – изјави човек кој продава костени на тезга на местото на настанот.

HASSAS | Fatih’te “Ben Mehdiyim, kıyamet kopsun” diye bağıran bir şahıs, büfeden çaldığı döner bıçağı ile kendi boğazını kesti.#istanbul #fatih #mehdi pic.twitter.com/yZwJKVL3QI

— Radar (@radardanevar) April 6, 2026

Друг очевидец, Халис Јаткин, кој ловел риба во близина, изјави дека „полицајците го спречија овој човек“.

– Тој удираше и се тепаше, но полицајците беа многу трпеливи. Интервенираа сосема разумно. Човекот дојде и подоцна падна таму напред. Јас тука ловев риба – рече тој.

Полицијата постави безбедносен кордон во околината, а истрагата за инцидентот е во тек.

Сопружници нападнати во подземна гаража во Центар – едниот напаѓач имал оружје