Вознемирувачко видео говори за ужасот во бегалскиот камп Џабалија во Газа. На социјалните мрежи се споделуваат информации и видеа на кои се вели дека Израелските сили фрлиле 5 бомби без предупредување врз бегалскиот камп Џабалија во Газа при што се убиени над 100 цивили.

🚨🇮🇱 ISRAEL just dropped 5 bombs with NO WARNING on the Gaza’s Jabalia Refugee Camp, MURDERING over 100 civilians! pic.twitter.com/nCRgGBckvL

— Jackson Hinkle 🇺🇸 (@jacksonhinklle) October 31, 2023

И директорот на управата за цивилна заштита во Газа, Ахмад ел-Калут денеска изјави дека бегалскиот камп Џабалија е целосно уништен поради израелското бомбардирање. Во нападот, како што соопшти Хамас, загинаа најмалку 50 лица.

„Овие згради се дом на стотици луѓе. Окупациските воздухопловни сили ги уништија со шест бомби од американско производство. Ова е најновиот масакр што го изврши израелскиот агресор во Појасот Газа, изјави Ел-Калут за новинарите пред болницата Кан Јунис“, пренесува Ал Џезира.

Oh dear, my birthplace Jabalia Refugee Camp is turned to ruins, and journalists are reporting hundreds killed. I have no clue who in my family is dead or alive. Some mercy!! #Gaza #StopGenocideInGaza pic.twitter.com/Og4gQL2oND

— Dr. Abusalama (@ShahdAbusalama) October 31, 2023

Тој ја повика меѓународната заедница веднаш да дејствува за да го запре Израел, „пред да биде предоцна“.

Властите на Хамас изјавија дека во израелскиот воздушен напад врз бегалскиот камп загинале или биле повредени околу 400 луѓе, меѓу кои и голем број жени и деца.

Од индонезиската болница во Газа велат дека постојано се брои бројот на жртвите. Болницата утревечер целосно ќе биде затворена поради недостиг на гориво, изјави директорот на болницата.