Британската водителка и ТВ-ѕвезда Аманда Холден (49) на Инстаграм сподели снимки направени за време на мамографијата. Како што истакна, таа сака да ја крене свеста за важноста од превенцијата на оваа болест во месецот на борбата против ракот на дојка.

По мамографијата, таа им порача на своите следбеници дека прегледот бил „непријатен“ неколку моменти, но дека ѝ е мило што го направила, затоа што може да ѝ го спаси животот.

– Моите гради се во весниците поради глупави причини, па се надевам дека тоа ќе се промени денес. Ќе ја снимам својата мамографија за да посочам дека на една од осум жени ѝ е дијагностициран рак на дојка. Дури 50 отсто од нас не ги препознаваат раните знаци на болеста. Редовните мамографии со самопрегледите нудат најдобри резултати во раното препознавање на болеста – рекла водителката.

View this post on Instagram

“My boobs always seem to be in the headlines for silly reasons so I hope that changes today as I document my own mammogram with @thisisheart to highlight that 1 in 8 of us women will be diagnosed with breast cancer during our lifetime. Worryingly 50% of us fail to notice or know the early signs of the disease. Regular mammograms, in addition to our own personal checks, offer the best results for early detection as they can highlight problems up to three years before anything can be felt through our own examination. We’re all different shapes and sizes and experience things differently but for me the check-up was quick and easy and potentially saved my life.”

A post shared by Amanda Holden (@noholdenback) on Oct 16, 2020 at 1:20am PDT

Таа додаде дека прегледот бил брз и лесен и дека со него можеби си го спасила животот.

Открила дека не ѝ било сеедно пред прегледот и дека за тоа време е „можно да ви биде непријатно и апаратот да ви ги стисне градите“.

„Но, сето тоа завршува брзо и е мошне безболно“, додала таа.

Аманда Холден е ТВ-ѕвезда во Британија и е член на жирито на шоуто „Британија има талент“.