Десетгодишниот Павел Ангеловски трета година по ред да го фати светиот крст положен во осветена вода, по повод големиот христијански празник Богојавление – Водици.

Крстот беше положен во базенот во дворот на црквата „Света Петка“ каде се наоѓа и седиштето на Дебарската парохија.

– Многу се радувам. Бог се јави!. Посакувам здравје и среќа за сите – порача Павел.

На годинешното празнување на Богојавление-Водици во соборниот тетовски храм „Свети Кирил и Методиј во Тетово“, осветениот крст во црковниот базен го фати 32 годишниот Борче Стефановски.

– Ова ми е прва година што скокам по осветениот крст и за прв пат успеав да го фатам. Посакувам на сите здравје, среќа, љубов и мир – рече Борче Стефановски

Дваесет и деветгодишниот Јован Илиески од Куманово го извади светиот крст положен во водата на базенот што се наоѓа во дворот на Соборниот храм „Свети Никола“. Педесетина кумановци се обидоа да го извадат светиот крст во старата градска црква.

– Оваа година имав среќа, им посакувам на сите здравје, среќа и успех. Догодина да нè има повеќе на број – кажа Илиевски.

Бојан Јовевски од Крива Паланка е среќникот што годинава го извлече крстот од осветените води на Крива Река. По завршување на овој чин, на градскиот плоштад во Крива Паланка се одржа манифестацијата “Пивтијада 2025” во организација на Општина Крива Паланка, со приготвени 3.000 пивтии од општината, по традиционален рецепт од страна на угостителската струка во средното општинско училиште “Ѓорче Петров”, закуски, храна и топли пијалаци за сите граѓани.