Фонтаните на градскиот плоштад, од двете страни на кејот се нефункционални и моментално се или покриени, или наполнети со ѓубре.

Како што одминува време температурите растат, а сепак фонтаните се оставени суви, што за центар на градот и најпосетен дел од страна на туристите, остава лоша слика за Скопје.

Душко Весковски, директорот на ЈП „Водовод и канализација“, изјави дека фонтаните се уште не се пуштени заради најавеното невреме што го зафати Скопје, што ќе допринесеше да се направи поголема штета на градот.

Тој дополни дека до крајот на неделата ќе бидат пуштени во употреба фонтаните од двете страни на кејот во централниот дел на градот, а дека екипите на ЈП „Водовод и канализација“ активно работат подземно за нивна подготовка.

„Слободен печат“ веќе пишуваше дека пуштањето на водата во фонтаните доцни поради тоа што Водовод доцна ја презема надлежноста.