ВО ЖИВО | Заев, Филипче и Османи со изјави од болницата во Софија

Заев-Османи-и-Филипче-заминаа-за-Бугарија-–-МИА
Фото: МИА

Изјави на премиерот Зоран Заев и министрите за здравство и надворешни работи Венко Филипче и Бујар Османи од болницата Пирогов во Софија каде што се хоспитализирани преживеаните од автобуската несреќа што се случи ноќеска на автопатот Струма во Бугарија.

Во несреќата загинаа најмалку 45 лица, меѓу кои најголем дел се деца и млади лица. Несреќата ја преживеаја седум патници од автобусот кои се хоспитализирани во Пирогов. Автобусот е на туристичката агенција „Беса транс” од Сарај и превезувал патници кои се враќале од екскурзија од Истанбул.

Автобусот во кој патувале 52 лица влегол од Турција во Бугарија нешто по 21 часот. Несреќата се случила околу три часот на автопатот Струма на правецот Софија-Благоевград. Автобусот удрил во заштитната ограда и се запалил. Во тек е истрага, а како можни причини се наведуваат техничка неисправност на возилото или човечка грешка на возачот.