Во Скопје се вози без возачка дозвола, брзо и под дејство на алкохол
Само за еден ден во Скопје секторот за внатрешни работи при контролите изрече 174 мерки за однесувањето на возачите во сообраќајот. Од нив се гледа дека во Скопје се вози брзо, под дејство на алкохол, а секојдневно има и возачи што зад воланот седнуваат во алкохолизирана состојба.
Само вчера, во Скопје се изречени вкупно 174 мерки, меѓу кои 38 за возење повеќе од дозволената брзина, 12 мерки за возење без возачка дозвола, 13 санкции за прекршоци што ги прават возачите на мотоцикли.
Изречени се 10 мерки за непочитување на првенство на минување, седум санкции за возење под дејство на алкохол и пет мерки за користење мобилен телефон при возење.
Сообраќајните контроли продолжуваат и во наредните денови.
Апелираме до граѓаните да ги почитуваме сообраќајните правила и прописи за да ја зголемиме безбедноста во сообраќајот и заедно да придонесеме за посигурни патишта, велат од Министерството за внатрешни работи.