Началникот Сашо Топаловски во емисијата „Претрес“ појасни дека системот „Безбеден град“ прави исклучок за ситуации кога возачи навистина возеле кон болница поради итен случај. Во такви ситуации, нагласи тој, казните ќе бидат укинати по службена проверка.

– Ќе провериме дали возачот со вклучени „четири трепкачи“ навистина брзал да спаси нечиј живот – свој или на близок. Ако се утврди дека одел во болница, нема да добие казна – рече Топаловски, додавајќи дека таквите случаи можат лесно да се верификуваат.

Тој истакна дека системот „Безбеден град“ е направен така што снимките не може да се избришат или да се манипулираат.

Камерите на „Сејф сити“ фатија нов рекордер: возач летал со 231 километри на час

– Снимките се зачувуваат и не може никој да ги избрише. Колку долго, еден месец или една година, не знам, но секој прекршок ќе биде обработен – додаде тој.

Сите регистрирани прекршоци се процесираат автоматски, а возачите ќе бидат известувани по е-пошта или преку СМС.

Возачите масовно симнуваат апликација што ги покажува камерите на „Сејф сити“ – предупредува пред да им се приближите