Јужноамериканската фудбалска федерација КОНМЕБОЛ во договор со ФИФА го одобри натпреварот во Копа Либертадорес помеѓу Ојвес Реди од Боливија и Спортинг Кристал од Перу.

Натпреварот кој е закажан за на 20-ти февруари ќе се игра во боливискиот град Ел Алто на надморска височина од 4.083 метри. Претставниците на јужноамериканската конфедерација во понеделникот го прегледаа стадионот „Вила Ингенио“ кој е отворен во 2017 година и дадоа зелено светло тука да се одигра средбата од второто коло во Копа Либертадорес.

Стадионот е со капацитет од 25.000 луѓе, додека на фудбалерите на теренот веројатно нема да бидат во нормална ситуација бидејќи на поголема надморска височина воздухот е поредок и многу побрзо може да дојде до замор.

„За нас ова е историски ден, но и за градот Ел Алто“, изјави претседателот на Ојвес Ренди, Андреас Коста.

Клубот е основан во 1933 година, но во боливската прва лига се врати во 2019 година за првпат по 28 години и четврти пат во својата историја ќе учествува на Копа Либертадорес.