Царинските служби во Франција запленија речиси 56.000 фалсификувани предмети во период од три недели, од кои најголемиот број беа лажни плишани играчки „Лабубу“, објави денеска BFM.

Првите заплени започнаа кон средината на септември во експресен товарен центар во регионите Сена и Марна, кога беа пронајдени палети од Белгија што содржеа 7.392 плишани играчки и 8.624 фалсификувани пакети,.

Неколку дена подоцна, дополнителни 7.754 плишани играчки беа откриени во Ла Курнев.

Истрагата доведе и до продавница во Обервилиер, каде што агентите пронајдоа дополнителни 29.000 фалсификувани предмети, вклучувајќи играчки инспирирани од познати анимирани универзуми.

Зголемениот царински надзор има за цел да спречи фалсификување во периоди на голема потрошувачка, како што се Црниот петок и Божиќ.

Царинските службеници предупредуваат дека е важно да се потврди автентичноста на производите со цел да се заштити безбедноста на клиентите.