Европратеничката Ирена Јовева, претставник на Словенија во Европскиот парламент (Движење Свобода-Ренесанса), на денешната седница на Европскиот парламент во Стразбур на тема „Односите ЕУ-Западен Балкан во светло на новата пакет за проширување”, повика „да престанат лажните ветувања за земјите од Западен Балкан“.

Јовева е родена во Крањ во 1989 година, а нејзините родители се Македонци.

Цитирајќи го босанскиот бенд „Дубиоза колектив“ дека празните ветувања се најдобрата реклама, таа ги повика земјите-членки на ЕУ и колегите претставници „да престанат да даваат лажни и неисполнети ветувања“ и да се држат до она што им го ветиле на земјите кандидати.

Дополнително, според Јовева неопходно е да се биде подеднакво строг дома, во Европската Унија, кон земјите-членки кои се оддалечија од владеењето на правото, слободата на медиумите, човековите права и демократските вредности.

„Драги пријатели, вие припаѓате овде заедно исто колку и сите ние”, заклучи Јовева.

На дебатата учествуваа еврокомесарот за проширување Оливер Вархеји и претставници на политички групи