Ватерполо репрезентацијата на Шпанија со 13:12 ја совлада селекцијата на Србија во дерби пресметката од првото коло на ватерполо турнирот на ЛОИ во Токио.
Интересно е што светскиот шампион Шпанија ја оствари четвртата победа во последните четири пресметки против Србија.

Шпанците беа подобар тим, освен почетното испитување на силите во првата четвртина беше нерешено 4:4 по што, светскиот шампион успеа да го крене нивото на игра и да поведе со 8:6, а потоа и со 10:8. Ватерполистите на Србија успеаја да се вратат во игра и (10:10) но потоа Шпанија ја искористи предноста од играч повеќе во нападот и со два брзи гола поведе со 12:10, а потоа и со 13:11 на две минути до крајот. Србија успеа да намали на 13:12, но во последниот напад не успеаја да постигнат гол и да дојдат до бод.

Во првиот ден од ватерполо турнирот се случи едно големо изненадување, фаворитот Унгарија загуби со 9:10 од Грција. Останатите фаворити немаа проблеми, Италија со 21:2 ја совлада Јужна Африја, САД со 15:13 славеше над Јапонија додека Црна Гора ја совлада Австралија со 15:10.