По повод информацијата дека големите партии се имаат договорено, изборниот Закон да го променат на тој начин што советниците ќе бидат избирани со отворени листи и со цензус од три проценти, реагираат од ВМРО-Народна партија.

– ВМРО-Народна партија сака да ја сподели својата анализа дека ова е само уште еден чекор со кој големите партии заеднички се договараат да ги збришат сите мали политички партии од македонската политичка сцена.

И така законот кој беше инициран со мотивација како да им се помогне на малите партии на крајот ќе заврши со цел како да се избришат малите политички партии.

ВМРО-Народна партија смета дека отворените изборни листи ќе направат невиден хаос во изборниот модел во кој македонската демократија уште повеќе ќе биде девалвирана.

Затоа ВМРО-Народна партија смета дека можеби е најдобро да остане Законот таков каков што беше и досега, стои во реакцијата на ВМРО-Народна партија.