ВМРО-ДПМНЕ бара итна и независна истрага за пожарот во зградата на Секретаријатот за европски прашања и министерството за животна средина.

Храбрите пожарникари ја смирија огнената стихија кај Секретаријатот (ФОТО)

– Самиот факт што е запалена архивата на државен орган и тоа во неработно време по неработен ден отвора огромни сомнежи за можни злоупотреби и криење од јавноста на документи кои што според оценка на власта не би требало да се дознаат. Да потсетиме дека ова не е прв случај каде што се уништија документи на државни институции, во минатото бевме сведоци на поплава во СЈО, како и пожар во министерството за правда. Расчистување на овие случаи до сега македонската јавност не виде. Независно од тоа дали овој сомнеж ќе се потврди или не, факт е дека несовесно е постапувано со архивата на една државна институција, не успевајќи да се сочува тој материјал- наведуваат во соопштение од опозициската партија ВМРО-ДПМНЕ.

Ваквите сомнежи, велат оттаму, се основани кога на власт имаме мафија како владата на Зоран Заев.

Изгоре целата документација на Инспекторатот за животна средина