Влаховиќ играч на месецот во Серија А
Унијата на фудбалери во Италија (АИЦ) го прогласи новиот напаѓач на Јувентус, Душан Влаховиќ за фудбалер на месецот во Серија А за февруари.
Влаховиќ во зимскиот преоден рок пристигна во Јувентус од Фиорентина во трансфер вреден 80 милиони евра и веднаш почна да ги оправдува вложените пари.
Dusan #Vlahovic, MVP AIC Serie A premiato dal Dg @grazioli_gianni
Complimenti, Dusan! pic.twitter.com/91zzjrHVWp— AIC | Assocalciatori (@assocalciatori) March 3, 2022
Српскиот репрезентативец во февруари одигра шест натпревари за Јувентус на кои постигна четири гола, од кои три во Серија А и имаше една асистенција.
Влаховиќ доби речиси 60 отсто од гласовите и ги победи Хамед јуниор Траоре од Сасуоло, Адриен Трамезе од Верона и Гастон Переира од Калјари. Влаховиќ е најдобар стрелец во Серија А со 20 постигнати голови од кои 17 даде во дресот на Фиорентина.