Владата во моментов е без гласноговорник, бидејќи единствениот кој остана на оваа функција Мухамед Хоџа користи годишен одмор. Вториот портпарол, Миле Бошњаковски, ја напушти владата и сега е генерален секретар во кабинетот на претседателот Стево Пендровски, но на негово место не се назначи нов портпарол.

Од Владата велат дека и покрај тоа што се уште нема замена за Бошњакоски, редовно се одговара на сите новинарски прашања преку Секторот за односи со јавноста и службите за информирање на министерствата.

На прашањето, дали тоа значи дека нема потреба од уште еден портпарол, велат дека потреба има, но не кажуваат зошто не е назначен, ниту кога тоа ќе се случи.