Портпаролката на Владата, Марија Митева, потврди дека има еден македонски државјанин кој сè уште е исчезнат и бил во зградата каде што избувна трагичниот пожар во барот во швајцарскиот скијачки центар Кран-Монтана, но дека засега нема информации за него.

„Последното известување што го добив од надлежните институции е дека има лице со државјанство од РСМ. Во контакт сме со властите и кантоналната полиција и ќе ја информираме јавноста штом добиеме повеќе детали. Чекаме повеќе. Станува збор за едно лице“, рече Митева на прес-конференција во Владата.

Исчезнатиот млад човек, Стивен Ивановски, чие семејство вчера објави дека бил на забава во Кран-Монтана во барот каде што избувнал пожарот, сè уште не е пронајден. Семејството апелираше до секој што можеби го видел Стивен или има какви било информации во врска со неговите движења, како и до оние што имаат информации дали е хоспитализиран во Женева или Цирих, веднаш да се јават на следниве телефонски броеви: 076 415 0868, 076 385 7165 и 078 229 745.

ВИДЕО | Трагедијата во Кран-Монтана: Очевидци опишуваат кошмар, „стапица на смртта“ и единствен излез за бегство