Владата одлучила да го повлече законот за промена на полот кој веќе е во собраниска процедура, соопшто вечерва на ТВ21 првиот вицепремиер Артан Груби.

„Повлечен е поради тоа што еден наш граѓанин доби судски спор во Стразбур. Тој најверојатно треба да се доработи или измени за да биде во согласност со одлуките на судот“, рече Груби во Клик Плус на ТВ21.

Измените на законот за матична евиденција меѓу другото предвидуваа лице да може декларативно да го промени својот пол само со изјава на нотар. Тој требаше утре да се најде пред пратениците на Комисијата за политички систем.