Кога ќе се спомне руска кујна нешто што прво ви доаѓа на ум е руската салата која е особено популарна во овој период. Типично за руската кујна е што изобилува со богатство од рецепти чии главни состојки се риба, живина, печурки, шумски бобинки и мед во десертите.

Боршч или руска супа од цвекло е национален рецепт на Русија и гордост на руската кујна.
Особено е препорачлива во овој период кога настинките и вирусите царуваат.

Состојки:

– 100гр. морков
– 100гр. компир
– 100гр. црвена зелка
– 100гр. цвекло
– 100гр. кромид
– 1 лажица црвен пипер
– 1 лажица брашно

Подготовка:

Сите состојки се сечкаат на ситни коцки. Во сад со вода се додава прво цвеклото кое се вари 20 минути пред да се додадат и останите состојки. Супата се вари додека убаво не омекнат и пуштат од својот природен сок и боја, секако цвеклото ќе доминира. Во тава на малку масло се прави запршка со една лажица брашно и црвен пипер и се истура врз сварената супа. Се вари уште малку за да се соедини со запршката. Се сервира со кисела павлака.

Добар апетит!