Мирис на тазе печена Личка погача со кисело млеко, или можеби мирис на домашен леб со пченка, пршута и маслинки. Мирис на манџа со зелка и колбаси, сарма или колбас, солени сардини, пастикада и уште многу специјалите кои потсетуваа на прекрасната хрватска кујна.

Денес на мени е уште еден уникатен хрватски рецепт, а тоа се традиционалните млинци или варени кори кои се служат со печено месо и руска салата по желба.

Состав:

– 1 пиле
– 1/2 литар вода
– 1 кг. брашно
– 1 лажичка сол

Подготовка:

Најпрво замесете тврдо тесто од вода, брашно и сол. Потоа од тестото расукајте околу 12 тенки кори кои ќе ги печете на тивко во плех обложен со хартија за печење.

Потоа истите кори убаво ќе ги искршите и ќе ги сварите како тестенини во солена вода. Тоа се млинците.

Во огноотпорен сад го ставате пилето и го печете убаво зачинето и посолено.

Штом се испече пилето врз него се додаваат испечените млинци или кршените кори убаво да впијат од сокот кој го пуштил месото.

Се послужува додека е топло.

Добар апетит!

Вкусови што се памтат: Хрватска кујна – Рожата (РЕЦЕПТ)

Вкусови што се памтат: Хрватска кујна – Личка погача (РЕЦЕПТ)