ВИДЕОИНТЕРВЈУ | Миле Лефков: Партнерот во новата влада ќе го бараме во редовите на албанската опозиција
Пратеникот Миле Лефков смета дека рејтингот на неговата ВМРО-ДПМНЕ во однос на СДСМ е многу поголем во пресрет на претседателските и парламентарите избори во Македонија, што според него значи дека токму партијата каде тој членува ќе ја формира наредната влада на државата.
– Се гледа поддршката што ја имаме на терен, како и од анкетите што често ги споменуваме, тоа беше и индикативно покажано во претходните мерења кога се виде недовербата во институциите и кога на прашањата дали Македонија оди во погрешна пат, видовте една огромна бројка на разочарани граѓани која смета дека државата оди во погрешна насока, вели Лефков, при неговото гостување во утринската програма на Слободен печат.
За Гордана Силјановска-Давкова вели е вистинскиот надпартиски кандидат поддржан од ВМРО-ДПМНЕ, а од нејзе очекува како претседател да не ги менува често ставовите.
Што се однесува до поизборната коалиција, Лефков смета дека неговата партија нема да има проблем да коалицира со т.н. албанска опозиција.
– Партнерот претежно се бара кај она што се нарекува албанска опозиција, ние посакуваме да формираме влада која ќе биде ослободена од хипотеките што ги оставаат зад себе функционерите на СДСМ, особено функционерите на ДУИ. Една таква влада најпрвин би се соочила со животниот стандард и со горливите проблеми и се разбира градење на нашата иднина кон Европа – вели Лефков.
Тој смета дека се јалови нападите од ДУИ и од СДСМ, чии претставници тврдат дека тие се за ЕУ, а ВМРО-ДПМНЕ не е, како и дека Македонија ќе се најде под санкции од европските партнери доколк тие формираа влада.