ВИДЕОИНТЕРВЈУ | Иванова: Нашето општество се` уште гледа со предрасуди на меѓурелигиските врски и бракови
Во студиото на „Слободен печат“ водителот и актер Дениз Абдула разговараше со авторката Тина Иванова за нејзиниот најнов роман „Се чини, се` уште постои љубов“ кој зборува за љубовта меѓу двајца од различна религија, односно христијанка и муслиман.
„Не би било тоа толку важно од која религија се доколку двајцата главни ликови не наидуваат на пречки од оопштеството, бидејќи нашето општество е полно со предрасуди и нивната љубов којашто е филмска на некој начин се судира со општествените стеги и почнува да замира заради притисоците од општеството. Знаеме сите дека и кај нас и во светот и врските и браковите кои се меѓурелигиски се проблематични иако не би требало да биде така“ посочи Иванова.
Авторката го гледа нашето општество како херметички позатворено и како што вели таа, токму со нејзиниот најнов роман, укажува на предрасудите што се случуваат и ден денеска.
„Наназад во историјата и денеска, во ова современо општество во кое живееме, таквите љубовни врски како оваа во романот, таквите партнерски, па дури и пријателски врски се на некој начин стигматизирани и кон нив се покажува со прст, дали од семејството, родителите, дали од околината. И овој роман зборува токму за предрасудите во општеството, токму преку оваа љубовна реалција на главните ликови“ посочи Иванова.
Целото интервју со Тина Иванова, погледнете го во продолжение: