Видеоиграта „The Rude Awakening“ e мултимедијално патување по стапките на секојдневниот живот на војниците на фронтот од Првата светска војна и ја раскажува историјата со поглед кон иднината. Видеоиграта е создадена како резултат на синергијата помеѓу неколку европски субјекти и има за цел да го опише драматичниот конфликт од Првата светска војна меѓу европските нации.

Постојат многу начини за враќање, заштита и подобрување на сеќавањата за нашето минато, а со дигиталните технологии се внесуваат и видеоигри и виртуелна реалност. Целта на играта е новите генерации да се запознаат со историјата, како и да се подигне свеста кај младите луѓе на возраст од 13 до 20 години на темите војна и мир.

Почнувајќи од септември, играта ќе биде достапна во сите музеи на проектните партнери во Австрија, Словенија и Северна Македонија. Ќе биде достапна на пет јазици: англиски, италијански, француски, германски и македонски со четири нивоа на играње за време од пет часа игра. Играта ќе биде достапна на интернет на почетокот на 2022 година.

Партнер во проектот од нашата држава е Македонскиот центар за фотографија, а првата презентација на видеоиграта се случи на 15 септември во киното „Манаки“ во Битола.

(Текстот е објавен во „Културен печат“ број 97, во печатеното издание на весникот „Слободен печат“ на 18-19 септември 2021)