Рекордерот по бројот на титули на турнирот во Индијан, Новак Ѓоковиќ, го заврши настапот во осминафиналето по поразот од бранителот на трофејот Џек Дрејпер со 2-1 во сетови по пресврт.

Српскиот тенисер подобро го отвори мечот и го доби првиот сет со 6-4, откако направи брејк во десеттиот гем. Сепак, Британецот возврати во вториот сет со ист резултат и го однесе натпреварот во решавачки трет сет.

Веќе во првиот гем од третиот сет, при резултат 30-30 на сервис на Ѓоковиќ, публиката беше сведок на можеби најатрактивниот поен на турнирот оваа година. Двајцата тенисери разменија дури 26 удари, а Дрејпер се обидуваше да го освои поенот со различни удари, слајс, скратени топки и лобови. И покрај тоа, Ѓоковиќ стигнуваше до секоја топка и на крајот на мрежа мајсторски го заврши поенот, кревајќи ја публиката на нозе.

Тој гем му припадна на српскиот ас, но во следниот сервис-гем дозволи три брејк топки. Дрејпер ја искористи третата можност и направи брејк. Подоцна, при водство од 5-4, Британецот сервираше за победа, но Ѓоковиќ успеа да возврати со брејк и да го продолжи мечот. Победникот беше решен во тај-брејк во третиот сет, каде Дрејпер направи еден мини-брејк повеќе и на крајот славеше со 4-6, 6-4, 7-6 (5), обезбедувајќи пласман во четвртфиналето.

NOVAK DJOKOVIC TIENE 38 AÑOS.
NOVAK DJOKOVIC TIENE 38 AÑOS.
NOVAK DJOKOVIC TIENE 38 AÑOS.

🐐 LA CABRA ABSOLUTA.pic.twitter.com/xiIaPLM2ey

— Tiempo De Tenis (@Tiempodetenis1) March 12, 2026

Немаше сила за повеќе, Ѓоковиќ по голема борба елиминиран во осминафиналето на Индијан Велс