Украинскиот претседател Володимир Зеленски на телевизиските новинари им го покажа привременото сместување во кое вели дека живее од почетокот на војната, пишува ДПА.

„Јас живеам овде“, рече Зеленски во филмот на новинарот Дмитри Комаров, кој во петокот беше емитуван на украинската телевизија 1+1.

Клип од филмот на Твитер објави и Антон Герашченко, советник за внатрешно-политички прашања на украинскиот претседател.

"This is where I've been living for a year" – @ZelenskyyUa showed Ukrainian journalist Dmytro Komarov his wartime living conditions and his wardrobe. pic.twitter.com/0McF8EEHUf

— Anton Gerashchenko (@Gerashchenko_en) February 25, 2023

Во филмот, Зеленски го покажува и својот гардеробер во кој најголем дел од облеката е со маслинесто-зелена боја, која во текот на војната му стана заштитен знак.

„Во моментов не носам одела“, вели Зеленски, кој во еден момент вади одело од левиот агол на плакарот.

„Тоа е симбол дека војната наскоро ќе заврши, ќе победиме“, рече Зеленски

„Ова е сако за победа?“ праша новинарот, на што тој одговори: „Да“.