ВИДЕО: Запленети 260 тони лажно маслиново масло

Лажно маслиново масло/Фото: Еуропол

Продажбата на лажно маслиново масло, предупредува Европол, стана вообичаена во земјите што произведуваат маслиново масло како Шпанија и Италија. Утврдено е дека членовите на организираните криминални групи вклучени во измами со храна користат т.н „лампанте масло“, полоша варијанта на маслиново масло, со цел да се разреди нивниот производ- пишува Вечерњи лист.

Токму вакво маслиново масло е запленето во акцијата ОПСОН, чија цел беа криминални групи вклучени во препродажба на фалсификувана или расипана храна. Во заедничка акција на италијанската и шпанската полиција уапсени се 11 лица, а Европол предупредува дека запленетите 260.000 литри лажно маслиново масло биле рекламирани и продадени како оригинални. Односно како ладно цедено маслиново масло.

Маслиновото масло Лампанте се карактеризира со висока киселост, непожелен вкус и исклучително непријатен мирис, поради што не е погодно за консумирање. Европол, исто така, појаснува дека терминот „лампанте“ доаѓа од неговата историска употреба кога се користел како гориво во маслените светилки.

Во рации извршени во Италија и Шпанија, одземени се четири автомобили, 91.000 евра и разни документи. Италијанските истражители пребарале три фабрики за маслиново масло во Сицилија и Тоскана, за кои се сомневале дека произведуваат лажно маслиново масло. Од сопственикот побарале список на клиенти и документација.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот