ВИДЕО: Залудни се одличните игри на Јокиќ и Џејмс, порази на Денвер и ЛА Лејкерс
Кошаркарите на Денвер нагетс и на ЛА Лејкерс се поразени иако нивните најголеми ѕвезди, Никола Јокиќ и Леброн Џејмс, остварија трипл-дабл.
Денвер е поразен од Сан Антонио со 123:111 во натпревар на кој ниту еднаш не беа во водство.
Јокиќ го отствари петтиот трипл-дабл сезонава со 22 поени, 13 скокови и 10 асистенции, а добра партија во дресот на Денвер прикажа и Арон Гордон со 25 поени. Најдобар кај Сан Антонио кој ја прекина мини серијата од два порази по ред, беше Дерик Вајт со 23 поени, додека Лони Вокер постигна 21, а Дежонте Мареј даде 20 поени .
Мемфис благодарение на серијата од 9:2 на стартот од последната четвртина за прв пат дојде до двоцифрена предност во натпреварот против ЛА Лејкерс и на крајот славеше со 108:95.
Најдобар во редовите на Мемфис кој ја оствари шестата победа во последните седум натпревари беше Џарен Џексон со 25 поени, а се истакна и Дезмонд Бејн кој даде 23 поени.
На Лејкерси не им помогна ниту Леброн Џејмс кој оствари трипл-дабл од 20 поени, 10 скокови и 11 асистенции.
Во дербито на вечерта, Јута џез оствари убедлива победа од 118:96 над Филаделфија сиксерс. Ова беше седма победа по ред на Јута која со скор 18-7 е трета во Западната конференција зад Голден Стејт и Феникс. Филалдефија пак ја прекина серијата од три победи и сега има скор 14-12 за шесто во Источната конференција.
Предводник на Јута беше Донован Мичел со 22 поени и шест асистенции, Руди Гобер оствари дабл-дабл од 17 поени и 21 скок. Во редовите на Филаделфија се истакна Џоел Ембид со 19 поени и девет скокови.