Српскиот претседател Александар Вучиќ синоќа потврди дека Србија има хиперсонични балистички ракети воздух-земја, тврдејќи дека нема намера да нападне никого, но изрази загриженост дека во иднина Србија би можела да биде цел на напад од наводниот воен сојуз на Хрватска, Албанија и Косово.

Вучиќ во интервју за Радио Телевизија Србија (РТС) изјави дека станува збор за ракети СМ-400 со разорна моќ и можат да погодат цели на растојание до 200 и до 400 километри.

„Имаме значителен број од овие ракети и ќе имаме уште повеќе од нив“, рече Вучиќ.

Едниот авион наводно бил вооружен со кинеска ракета воздух-земја со долг дострел, означена како CM-400. Другиот, според истите тврдења, носел воздушна бомба LS-6, исто така произведена во Кина. Вучиќ во четвртокот рече дека авионите со кинеските ракети биле „случајно снимени“. Тој не одговори на новинарското прашање за тоа колку всушност биле платени кинеските ракети.

Тој додаде дека се плаши од воениот сојуз на Загреб, Тирана и Приштина, повторно тврдејќи дека е насочен против Белград и дека „тие само чекаат поголем конфликт во светот за да нападнат“.

Хрватска, Албанија и Косово првпат заедно ќе одржат воени вежби – Србија реагира дека тоа било закана за мирот во регионот – Слободен печат

„Се подготвуваме за нивниот напад, тие формираат сојуз за да нè нападнат. Тие го чекаат моментот што ќе се случи во иднина кога ќе избувне голем конфликт меѓу Европа и Русија на Блискиот Исток. Сето ова го правиме за да се одбраниме. Тие чекаат хаос во светот за да им се даде можност“, рече Вучиќ.

Србија е првата европска земја што набави кинески беспилотни летала CH-92 и CH-95, како и системи за воздушна одбрана FK-3 и HQ-17.

Вучиќ: Важна земја ѝ дозволи на Србија да ги увезе најмоќните ракети кои се дел од „железните куполи“ – Слободен печат

Премиерот на Хрватска, која е членка на Европската Унија и НАТО, реагираше на оваа набавка. Во вчерашната изјава за новинарите, Пленковиќ рече дека Хрватска ќе разговара со своите сојузници за ова прашање.

„Ќе разговараме со нашите партнери во Северноатлантскиот сојуз и ќе ги предупредиме за таквото оружје, кое е новина во арсеналот на српските вооружени сили“, рече Пленковиќ, пренесе ХРТ.

Тој додаде дека не очекува дека „поседувањето на такво многу сериозно оружје на кој било начин би можело да го стави во позиција да биде употребено против соседните земји, Хрватска или која било друга“.

Коментирајќи ја изјавата на Пленковиќ дека не очекува Србија да биде во позиција да користи хиперсонични ракети против соседните земји и најавата дека ќе ги предупреди партнерите на Хрватска во НАТО за такво оружје, Вучиќ потврди дека Србија има „коректни односи“ со западниот воен сојуз.

„Ние нема да се приклучиме на НАТО, ние ќе ја задржиме неутралноста“, рече Вучиќ, додавајќи дека е претседател на мала земја чие наследство сака мир, а не војна и конфликт, и нагласи дека Србија водела премногу војни во историјата.