Јувентус ги разочара своите навивачи откако на домашен терен одигра само 1-1 против веќе отпишаната Верона и пропушти да направи чекор напред кон пласманот во Лигата на шампионите.

„Старата дама“ не успеа да го искористи ремито на Комо и поразот на Милан, а Рома сега има можност со победа над Фиорентина да се доближи на само еден бод до четвртата позиција. Иако Јувентус доминираше и создаваше повеќе шанси, гостите први го зададоа ударот, Боуви погоди во 34. минута и донесе предност за Верона, што беше и единствениот гол во првото полувреме.

Во продолжението, во игра влезе Душан Влаховиќ, кој во 62. минута реализираше од слободен удар за израмнување. До крајот Јувентус силно притискаше, а Един Жегрова ја погоди и стативата, но резултатот остана непроменет.